丸十日本食堂 (已結業)

假期最後一日，帶埋2位公子去葵芳新都會廣場玩下個遊樂場，玩完就揾野食。 新都會廣場好多食店，都唔知揾邊間。 於是決定權就交比2位公子，佢地話要食日本野， 咁就由遊樂場行經最近的丸十日本食堂， 入去前望望餐牌，都算貴貴地， 心諗唔會太差掛。 4人行叫3個餐， 分別係燒牛舌丼，燒日本地雞丼，米國牛肉烏冬。 燒牛舌丼賣相不錯，牛舌好軟好林，好味， 但飯量較少。米國牛肉烏冬，個白湯好濃味，牛肉亦好林，有肉味。最後，唯一比較差既係燒日本地雞丼， 飯量少，雞肉比較實，同乾，係咪日本地雞係咁？ 我就唔知啦， 不過可取的係，雞皮煎得好脆，呢part攞返唔少分數， 整體黎講， 一試無妨。