吉壽日本料理 (已結業)

第一次食吉壽放題,久仰大名,其實都係冇乜特別,真係好想食到一次好好味的放題!吉壽食物種類唔算特別多,但你又唔可以話佢少既有幾樣野食都幾有水準,例如牛柳粒,勁好口感,一點都唔韌,香口牛肉味,正燒羊鞍係我食過咁多間放題之中最好味,聞落一樣係咁羶,但咬落除左肉質細軟之外,外表仲脆脆地芝士魚餅其實唔係太特別,我朋友話同芝心丸差唔多,但我就覺得呢隻芝士好香!芝士卷物方面,我覺得d飯太大舊喇,好易食到好飽,而佢d芝士都真係好大舊,都唔錯刺身真係冇乜特別喇,唔夠新鮮同冇乜味,不過佢d三文魚真係厚得好緊要,我地叫的份量少,所以冇冰鎮天婦羅非常熱辣辣,不過炸粉略厚,味道都不錯既!不過食到其中有舊南瓜天婦羅竟然是硬的(南瓜未熟)相信只是個別事件串燒脆皮腸好好食!和牛都好腍同埋香(但牛柳粒好食d)吉列蠔真係好好好熱!係好好食!但舊粉厚得好誇張,不過我都食左好多舊海鰻壽司冇特別(鰻魚芝士卷好食d),呢度d壽司飯比較大舊,另外腐皮粟米都幾得意,凍凍地甜甜地咁,唔錯蟹籽沙律好好味!非常足料!有好多蟹籽同埋蟹柳,啖啖都係!雪糕係雀巢迷你杯,呍呢拿同芝麻都好好味提醒大家唔好食辛辣豚肉煲,只係d勁肥既豬肉放係一堆唔辣既