有緣小敍 (已搬遷) 新店位置

專誠來嘗biang biang 麵，地點不在鬧市，由佐敦吳松街步行都要差不多15mins。內裏狹窄，最多只可容納十人而已，都是家庭式經營餐廳，黎到好肚餓，立即叫了碗韮菜餃biang biang 麵，讀音餅餅麵，等左成20 mins 先有，無辦法la，廚房得個媳婦& 婆婆打點，個老伯伯係樓面指揮。老伯伯說小辣不會好辣，故我揀了中辣，乾辣椒粉、花生碎、咸菜係面，睇落去細細碗，好似好少，整碗由一條biang biang 面組成，闊闊的，雖然得一條，並非一時三刻就能食完，麵質好有中國北方麵特色，厚而實的，越食越辣，$5 就有一罐汽水，價錢大眾化，韮菜餃中規中矩。周圍多住宅區，不時見到街坊買外賣，要鼓勵此等平民飯店，才不致於被大財團蠶食。