Pasta La Vista (已結業)

好少係呢頭搵食，今日試左呢間係foodcourt 入面既pasta. 呢個foodcourt 真係好多人，好難搵位。我揀左個肉漿闊麵，$52無嘢飲。可以加$15跟湯。呢個foodcourt 9成都係唔包嘢飲，要加$6-15到。但佢有部自助水機係收集碗碟附近，不過成個foodcourt 得一部，仲要d水出得好慢好慢！旁邊有cone型紙杯。比錢後佢會比個"飛碟"既嘢比你，整好佢會閃同震。等大概10分鐘到就食得。佢係放係一個銀色鐵盤上，賣相都ok，但鐵盤本身傳熱快加上佢個盤本身明顯無warm住，食物一上碟馬上凍落黎，碟麵既裏面接觸碟既部份同碟麵既表明有明顯溫差，表明係熱好多。一碟新鮮炒出黎熱辣辣既意粉比隻碟攪灣晒。闊麵正常，似新鮮麵既麵質，有蛋香味。肉醬味道ok.. 唔算好特別，個人會鍾意個味再濃d。不過肉粒本身有d乾同質地粗鞋。個表面佢有放一d刨好既芝士片，不過放得極少！可以放多d份量方面唔多，男仔食兩碟無難度。