影片
更多
2021-07-20
625 瀏覽
見荷里活竟然有間咁抵食嘅日式餐廳，仲要係黃店，梗係要來試吓啦！呢間其實係一間BAKERY嚟嘅，主打就係買冬甩（波堤），但見佢啲餐都幾好食，就試咗佢個二重鍋定食。二重鍋分別可以嗌一個餸，同埋一個飯，再送一杯嘢飲同一個冬甩！一共都係$78 +1！係非常之抵食嘅！我同屋企人一共嗌左三個set，睇吓好唔好食啦！A 餸鍋：黑椒煮美國牛肉，黑椒煮雞扒，照燒鍋煮雞扒點解我會將三個餸放埋一齊講？因為我完全覺得三個鍋冇分別！除咗係雞同牛嘅分別之外，基本上其他所有嘢都係一模一樣，唯獨係黑椒雞扒就多咗少少黑椒味，同埋有啲辣，除此之外都睇唔到任何分別。啲雞肉係非常滑嘅，但啲牛就真係有啲韌，味道方面我覺得係麻麻地。B1. 蕃茄芝士鍋燒炊飯真係超多超多超多超多芝士，芝士嘅愛好者必須嗌呢一個。每一啖都食到濃濃嘅芝士，芝士拉絲亦都非常勁，正因如此，呢一個鍋飯非常之膩！其實就咁食一個都夠飽B3 芝士野菜泡菜蕃茄鍋燒炒飯呢個完全唔係炒飯黎！同樣都係超多芝士，份量同上面嗰個蕃茄芝士鍋差唔多，味道就係多咗陣泡菜嘅辣味，同埋酸味，疑犯嘅質感都係同上面嘅炊飯差唔多，都係超膩！鍾意食比較韓式嘅人都可以一試，芝士同埋泡菜嘅組合係冇得
二重鍋分別可以嗌一個餸，同埋一個飯，再送一杯嘢飲同一個冬甩！一共都係$78 +1！係非常之抵食嘅！我同屋企人一共嗌左三個set，睇吓好唔好食啦！
A 餸鍋：黑椒煮美國牛肉，黑椒煮雞扒，照燒鍋煮雞扒
點解我會將三個餸放埋一齊講？因為我完全覺得三個鍋冇分別！除咗係雞同牛嘅分別之外，基本上其他所有嘢都係一模一樣，唯獨係黑椒雞扒就多咗少少黑椒味，同埋有啲辣，除此之外都睇唔到任何分別。啲雞肉係非常滑嘅，但啲牛就真係有啲韌，味道方面我覺得係麻麻地。
B1. 蕃茄芝士鍋燒炊飯
真係超多超多超多超多芝士，芝士嘅愛好者必須嗌呢一個。每一啖都食到濃濃嘅芝士，芝士拉絲亦都非常勁，正因如此，呢一個鍋飯非常之膩！其實就咁食一個都夠飽
B3 芝士野菜泡菜蕃茄鍋燒炒飯
呢個完全唔係炒飯黎！同樣都係超多芝士，份量同上面嗰個蕃茄芝士鍋差唔多，味道就係多咗陣泡菜嘅辣味，同埋酸味，疑犯嘅質感都係同上面嘅炊飯差唔多，都係超膩！鍾意食比較韓式嘅人都可以一試，芝士同埋泡菜嘅組合係冇得輸嘅！
B6 超蕃茄濃度8湯烏冬
呢個應該係最好食嘅選擇，烏冬用咗讚岐烏冬，品質當然無話可說，但最好食係佢個湯！真係超濃嘅蕃茄味，完全冇花冇假，直情好似每一啖都咬緊一舊蕃茄一樣，非常濃，就連蕃茄嘅酸味都可以出到嚟！同時間又有少少辣，味道非常好食，蕃茄濃湯嘅愛好者，一定要嚟試吓！
B8 櫻花蝦濃蝦湯烏冬
我expect係會有好大陣櫻花蝦味，但有少少失望，冇櫻花蝦味之餘，個味有印度feel（屋企人話係佢啲被味太濃？），我自己就唔係好鍾意個湯，亦都有少少辣，所以搞到成碟印度菜咁😓，真係麻麻哋，強烈唔建議大家嗌。
海鹽焦糖雪糕冬甩
最後壓軸出場嘅就係甜品！完全係意料之外，非常好食，令人一試難忘！冬甩非常之煙韌，同我哋平時食開，好似麵包質感嘅冬甩好唔同，可以切開一粒粒波咁樣食，每一粒都超Q彈，撈埋焦糖再加埋凍嘅雪糕真係滋味無窮！旁邊仲有一點紫薯，雖然我唔知係點樣食，但我成粒咁食真係好濃紫薯味！總之個冬甩即係比滿分，係我食過最好食嘅冬甩！
總括而言，呢餐真係食到非常飽，而價錢亦都唔太貴（但記住要加一），如果大家唔想試到伏野，咁就一定要你買下佢個冬甩，30/2pcs，真係超正！
張貼
