穌棧 (已結業)

有間泰菜令我念念不忘，印象中真係好好食！但係今次再去，好似同記憶中嘅味道有出入，但都好食嘅，只係「泰菜不似預期」🍴香燒豬頸肉 $78 🌟🌟🌟🌟唔知大家有冇喺泰國食過豬頸肉？小編就覺得好乾好柴啦，而穌棧嘅豬頸肉更迎合香港人口味，肉質彈牙綿密，鎖汁度頗高。豬頸肉醃得入味，香料隨豬肉帶入齒頰，算係是日最佳。🍴泰式香葉肉碎煎蛋炒飯 $82🌟🌟🌟🌟呢個肉碎蛋飯味道濃重！好辣好過癮！當然係針對啲食得辣嘅朋友，佢嘅辣度並唔係咁老少咸宜。小編認為味道過重，但係隻辣又不失開胃，好容易一啖又一啖不知不覺間食曬。🍴咖哩炒軟殼蟹 $178 🌟🌟🌟呢個恕小編俾唔到公平嘅評價，因為一直對咖喱軟殼蟹麻麻地，所以食落去覺得味道平平。叫咗唔會後悔，但係下次唔會再叫。值得稱讚係軟殼蟹份量十足，有兩隻巴掌大嘅軟殼蟹！🍴芒果糯米飯-細 $58 🌟🌟正常芒果糯米飯唔會出差錯，但係偏偏糯米飯煮得唔夠熟，有啲夾生，有啲失望呢！