影片
更多
2019-08-10
33 瀏覽
📍Coedo Taproom (銅鑼灣)📍銅鑼灣Fashion Walk食街百德新街50-56號地下C鋪-----Coedo其實係一間日本啤酒釀造商嘅名 香港人如果唔係對啤酒有好多認識 未必一定聽過 但係其實呢間啤酒商曾經係World Beer cup得過獎 係世界各地好多地方都有一定知名度 而呢間餐廳就係由Coedo所開嘅海外串燒酒吧概念店 前幾日同朋友呢開銅鑼灣睇戲 就順便黎試下～-✹COEDO Shiro 白（$62-small size）第一次黎當然要試下佢地嘅招牌日本直送手工啤 因為未飲過 我地只係叫左一杯黎淺嘗 係6款精釀手工啤入面「6款手工啤包括係COEDO Marihana(毬花)、COEDO Ruri (瑠璃)、COEDO Shiro(白)、 COEDO Kyara (伽羅)、COEDO Beniaka (紅赤)同埋COEDO Shikkoku (漆黑)」我地最後揀左酒精濃度第二低嘅COEDO Shiro(白) 啤酒🍺顏色非常通透 啤酒泡質感綿密 無多餘空氣 飲落非常順喉 小麥香味濃 且味道清甜 毫無苦澀感 好後悔叫左small size🧐-✹黑糖燒日本番薯（$38)
📍Coedo Taproom (銅鑼灣)
📍銅鑼灣Fashion Walk食街百德新街50-56號地下C鋪
-----
Coedo其實係一間日本啤酒釀造商嘅名 香港人如果唔係對啤酒有好多認識 未必一定聽過 但係其實呢間啤酒商曾經係World Beer cup得過獎 係世界各地好多地方都有一定知名度 而呢間餐廳就係由Coedo所開嘅海外串燒酒吧概念店 前幾日同朋友呢開銅鑼灣睇戲 就順便黎試下～
-
✹COEDO Shiro 白（$62-small size）第一次黎當然要試下佢地嘅招牌日本直送手工啤 因為未飲過 我地只係叫左一杯黎淺嘗 係6款精釀手工啤入面「6款手工啤包括係COEDO Marihana(毬花)、COEDO Ruri (瑠璃)、COEDO Shiro(白)、 COEDO Kyara (伽羅)、COEDO Beniaka (紅赤)同埋COEDO Shikkoku (漆黑)」我地最後揀左酒精濃度第二低嘅COEDO Shiro(白) 啤酒🍺顏色非常通透 啤酒泡質感綿密 無多餘空氣 飲落非常順喉 小麥香味濃 且味道清甜 毫無苦澀感 好後悔叫左small size🧐
-
✹黑糖燒日本番薯（$38)呢度嘅串燒 並唔係普通串燒 係加入左手工啤黎燒製 而我地食呢款燒番薯就係加入左伽羅同瑠璃 係手工啤加持底下 黑糖味道更顯特色 配合燒得香軟嘅番薯食 一個字 正😍
-
✹雞腎 （$38)加入瑠璃手工啤燒製 惹味 彈牙爽脆 配酒一流🤤
-
✹豬腩肉蘆筍卷 （$43）肥美嘅豬腩肉包住爽脆嘅蘆筍 再加上有伽羅啤同毬花啤嘅香氣幫助提味 每一啖入口都好味到令人忘記肥胖😂
-
✹生薑燒汁炒野菜 （$65）較為濃味 個人覺得 入面D野菌比野菜更出色😆
-
✹廣島蠔什菇雞粥 （$98）廣島蠔鮮美大隻 粥裏面有紅椒黃椒等等 食落有啲似日式嘅潮州蠔仔粥 好fusion菜嘅感覺
-
✹鰻魚梳乎厘飯 （$108) *只限平日供應* 唔知點解餐牌寫住剩係得平日供應 對週末先嚟到嘅人黎講有啲可惜 因為呢一款真係好特別 上枱嘅時候同平時食嘅甜品梳乎厘係一樣樣嘅 點睇都唔似一個鰻魚飯 貌相好有驚喜 表面嘅梳乎厘代替左平時滑蛋鰻魚飯嘅滑蛋部份 而鰻魚飯就係梳乎厘嘅下層 每一啖食落去都非常幼滑 用梳乎厘代替滑蛋 感覺更為輕盈 食完毫無飽膩感（覺得唔夠味嘅話可以加埋佢哋自家製嘅醬汁）😄
—
👶🏻B仔整體評價：8.1/10個👍🏻
👶🏻B仔抵食程度：7.5/10個👍🏻
👶🏻B仔環境評分：8/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowcwb
張貼
