艾·蜜思手抓餅

營業中

休息中

大安樓真係藏左好多好野食嘅地方，今晚經過順路一試朋友極力推介的手抓餅。由於餅皮是即叫即製的，整一份餅最快都要三分鐘，前面有幾多人排隊照乘就預算到要等幾耐先到你，配料有好多種選擇，選擇困難又發作，排隊時想定咩配料就差不多了。經過十萬次運算下我得出結果，配料最終揀左芝士、雞蛋和吞拿魚，平平無奇平時食開的三種配料，配搭埋手抓餅食真係好好味。手抓餅拎上手要小心，超熱好辣手的，等涼一陣食比較好，免得辣親脷，一口咬大啖點，餅皮連餡料食好味好多，急不及待也可撕小片食住餅皮先。餅皮香脆鬆軟不油膩，夾埋餡料軟淋淋好有口感，蛋同樣也煎得非常香脆配埋溶了芝士味道好出，填滿了吞拿魚肉有好實在的感覺。整體好味物有所值。