民華餐廳

營業中

休息中

中午放lunch食咩好，我第一時間就諗起民華，好彩行快兩步，唔係就真係要係門外度等位啦，夏天咁曬真係會曬乾人架。入到民華，我叫咗個常餐、西多士同燒賣。常餐真係好好食，百食不厭，今次就叫咗差燒通粉、炒蛋配腸仔，連埋個烘多士真係正啦。燒賣一樣高質，同平時茶樓個啲一樣足料，亦夠彈牙。西多士，煉奶+牛油真係無得頂，加埋佢本身個西多士係厚切，所以食落去啖啖口感，啖啖滿足。當然，佢杯奶茶都抵讚，茶味夠，飲奶茶最怕唔夠茶味。