幸福堂 (已結業)

呢排興飲黑糖珍珠鮮奶，今日經過就喺云云幾間台灣過江龍中，揀左朋友大推嘅幸福堂。去到足足排左半粒鐘，飲品終於到手！賣相已經十分吸引😍😍😍杯嘅周圍澆滿手炒黑糖，黑糖珍珠墜底，淋上鮮奶，面頭仲有一層灼過嘅焦糖。就咁飲左一啖，一暖一凍好得意，但味道未均勻。於是攪拌之後再飲，甜度適中，珍珠偏軟身但口感唔錯，奶味夠，最出色係嗰陣手炒嘅焦香味，係會令人想一飲再飲！排就半個鐘，但飲就五分鐘，不過係值得嘅，就算下次要再排都會飲！