龍蝦吧餐廳

營業中

休息中

心癮癮想飲龍蝦湯，想起之前朋友介紹這餐廳的龍蝦湯非常出色，於是臨急臨忙訂位，可能是平日關係， 即日訂仍有位。 到餐廳坐低後，侍應介紹當日的大廚推介是藍青口，當然要試一試啦。另外點了龍蝦湯和龍蝦意粉。侍應之後放低一盤麵包，可惜麵包是凍的。牛油軟包味道合格，仍然保持鬆軟。可惜黑松露醬麵包太油和太鹹，亦沒有黑松露醬應有的味道。過15分鐘後， 侍應放下龍蝦湯， 賣相不錯，亦很大碗。試一啖，龍蝦味十足，是我飲過的龍蝦湯之中最濃烈的， 湯內亦有數件龍蝦肉，份量適中， 唯一美中不足的地方是湯有點稀，不夠杰。之後來了藍青口， 很大煲，有24cm LC煲咁大， 而且裝得滿滿的。藍青口很大隻， 比平時超市買到的起碼大一倍。青口煮得很入味，配合大量herbs, 啖啖清香， 味道一流。然後來了龍蝦意粉，我們叫了big portion, 侍應很醒目， 已預先平分成兩碟小意粉， 可惜意粉未如期望，汁唔夠鹹，而且偏酸，配料亦不多。最後點了心太軟做甜品， 甜度適中，流心朱古力熱騰騰，值得一試。