影片
更多
2022-09-18
161 瀏覽
成日見滿天星好多人排隊，有啲人甚至話要等一個鐘，其實只要你早啲黎就冇呢個煩惱。週末接近 12：00 黎到，唔使排隊直入，爽呀！安格斯牛扒蛋包飯 $298，蘭王蛋炒嘅蛋包飯果然非同凡響，一試難忘！！！入口嗰下濃厚的蛋味令人驚艷！之後發現入面唔係單純嘅番茄醬炒飯，而係加入做帶子肉、蝦、菇、洋蔥、火腿粒、青豆、玉米粒、蘿蔔粒嘅豐富炒飯！每一口都係滿滿嘅誠意同美味。相比之下安格斯牛扒反而冇乜驚喜，牛扒只能選擇全熟或8成熟，牛味濃而且8成熟都見到中間有一半紅色，熟度滿意，但有啲筋，牛扒唔算太嫩。呢幅相係為咗凸顯作為配菜嘅星星蘿蔔嘅厚度而影嘅！上台嘅時候我「嘩」咗一聲就係因為呢粒咁大咁厚切嘅星星！屋企隻倉鼠（薯餅小姐）見到一定心心眼，鍾意蘿蔔嘅我都興奮到手舞足蹈忌廉蟹肉餅蛋包飯 $208，兩大粒炸蟹肉餅，薄皮脆口，咬開就有濃厚嘅忌廉汁爆發出黎，一絲絲蟹肉令人大滿足！呢個係老少咸宜之選。配菜同樣冇令人失望蛋包飯份量好多，最後為咗留肚食甜品，無食曬個飯。如果想食甜品，可以考慮兩個人叫一個蛋包飯，再加小食。朱古力芭菲 $108，插住兩支朱古力夾心蛋捲，香滑古早味的雲尼拿雪糕，配合香濃朱古力醬同皇帝蕉片，
週末接近 12：00 黎到，唔使排隊直入，爽呀！
安格斯牛扒蛋包飯
10 瀏覽
0 讚好
0 留言
安格斯牛扒蛋包飯 $298，蘭王蛋炒嘅蛋包飯果然非同凡響，一試難忘！！！入口嗰下濃厚的蛋味令人驚艷！之後發現入面唔係單純嘅番茄醬炒飯，而係加入做帶子肉、蝦、菇、洋蔥、火腿粒、青豆、玉米粒、蘿蔔粒嘅豐富炒飯！每一口都係滿滿嘅誠意同美味。相比之下安格斯牛扒反而冇乜驚喜，牛扒只能選擇全熟或8成熟，牛味濃而且8成熟都見到中間有一半紅色，熟度滿意，但有啲筋，牛扒唔算太嫩。
呢幅相係為咗凸顯作為配菜嘅星星蘿蔔嘅厚度而影嘅！上台嘅時候我「嘩」咗一聲就係因為呢粒咁大咁厚切嘅星星！屋企隻倉鼠（薯餅小姐）見到一定心心眼，鍾意蘿蔔嘅我都興奮到手舞足蹈
忌廉蟹肉餅蛋包飯
6 瀏覽
0 讚好
0 留言
忌廉蟹肉餅蛋包飯 $208，兩大粒炸蟹肉餅，薄皮脆口，咬開就有濃厚嘅忌廉汁爆發出黎，一絲絲蟹肉令人大滿足！呢個係老少咸宜之選。配菜同樣冇令人失望
蛋包飯份量好多，最後為咗留肚食甜品，無食曬個飯。如果想食甜品，可以考慮兩個人叫一個蛋包飯，再加小食。
朱古力芭菲 $108，插住兩支朱古力夾心蛋捲，香滑古早味的雲尼拿雪糕，配合香濃朱古力醬同皇帝蕉片，甜得黎好有層次。芭菲最吸引的地方係一路挖掘落去，you never know what's coming next食到底發現下面仲有朱古力脆脆同 Oreo，令味道又昇華咗~
整體上是十分滿意的美食體驗，但因為有限時，而且出面由12點幾開始就好多人等位，所以唔能夠慢慢食，心裡面會有一種急住要走嘅緊張感，如果想同朋友吹水就要另覓他處了。
餐廳採用 QR code 自助落單系統，所以無俾餐牌我睇，除非你特別要求。如果睇住餐牌揀應該會更加開心 LOL
張貼
