沐白小農 (已結業)

素來都鐘意食芋圓，又鐘意飲珍珠奶茶，自從發現左呢間鋪之後，由珍珠轉飲芋圓左：芋頭芋圓鮮奶右：伯爵茶豆奶加芋圓今次我飲右，朋友飲左。其實我都經常黎飲，所以除左芋頭鮮奶都想試其他野，今次就伯爵茶豆奶，vegan都岩飲。重點係芋圓！黎呢到一定要飲芋圓，同珍珠一樣煙煙韌韌但又冇珍珠咁難消化。（個人黎講）有時飲珍珠會勁滯，頂住頂住咁。呢到飲芋圓都會飽，不過就冇咁頂住。不過飲過咁多次之後，最最最好飲都係芋頭鮮奶。連朋友本身唔食芋頭都覺得好味。係會比其他茶甜少少，因為芋頭都帶甜。我自己就會叫微糖。芋頭同奶真係絕配！！有別於其他珍奶店，呢到有位坐，仲有得叉電！有時約左人又未夠鐘可以係到飲杯奶坐陣，禁電話都唔怕冇電。