梔子

營業中

休息中

朋友約我食生日飯，終於有機會一試文青cafe，依到最低消費每人一杯飲品，環境比想像中寬廣，服務很好，不過用餐時間只限90分鐘，如果想約朋友詳談可能要另尋覓地方了。《開心果mousse手工蛋糕》依個cake本身個草綠色已經好靚好少女心，餅底好香既牛油餅再加榛子脆脆，中間一大層開心果mousse,入口超順滑，口感比較好，好似食緊雪糕咁，開心果味夠，成個mousse唔會好甜，佢面頭再有一層light cream加我最愛既杏仁同開心果碎，增加成個蛋糕口感，令一向唔太好甜品既我都念念不忘，不過呢個蛋糕要下午3:00後先有機會食到，可遇不可求！《朱古力松露蛋糕》呢個朱古力蛋糕好香濃朱古力味，口感都係比較實身，同開心果蛋糕比就冇咁突出，因為係其他地方都會食到類似既。《牛油果奶昔》牛油果係近年健康文化最愛食材之一，加埋奶既配搭成年事好creamy,不過略嫌可以甜多少少。《玫瑰組合》朋友叫嘅玫瑰組合係一杯好靚既花茶，淡淡玫瑰香味，面頭加幾塊花瓣點綴。《水牛城辣雞翼》水牛城雞翼同我想像中有出入，佢只係醃辣左既烤雞翼，唔係傳統buffalo wings. 總括來講我覺得依間野飲品同甜品，比食物更值得試。