影片
更多
2021-10-19
314 瀏覽
喺呢個平台有1000個好評，絕對唔容易，但係當你品嚐完呢一餐飯之後，就會好明白點解評價咁高！👍🏻南非鮑魚鐵板燒（二人前）🤍前菜食大餐前，先黎清洗一下味蕾，食點開胃菜。秋葵藜麥沙律淡口而清新。豆腐滑嘟嘟，配上新鮮嘅龍蝦肉，清甜無比。🤍汁煮白鱈魚一道好考功夫既菜式，師傅將魚皮同魚肉分開烹調，魚皮燒至薄脆，逼出油份，食落好似薄切薯片咁，香脆可口；白鱈魚魚肉較厚實，皮下脂肪亦比較多，食落鮮甜。🤍鮑魚未食之前已經端上四大隻新鮮活鮑魚，大隻到眼都凸埋，仲要郁緊。師傅手起刀落就移除晒啲唔食得嘅部份，烹調嘅時候加入適當嘅調味同淋上煎熟咗嘅牛油。上枱時配埋青海苔忌廉汁，配搭幾特別。鮑魚爽甜彈牙！🤍季節料理：蒜香天白菇菇菌味好好好香濃，加上陣陣嘅牛油香，配埋蒜蓉同香蔥粒，食落非常惹味（不過季節料理幾個月就會轉一次）🤍熊本縣產𝐀𝟓和牛日本牛既魅力所在，叫咗五成熟，肉質粉嫩，食落口感軟淋，油脂豐腴，口腔充滿住澎湃既牛脂香。外配香脆可口既蒜片，仲可以按個人喜好加以調味 : 岩鹽/黑椒/酸汁/𝐰𝐚𝐬𝐚𝐛𝐢/櫻桃紅酒汁。（日式食法：夾上蒜片同𝐰𝐚𝐬𝐚𝐛𝐢沾上酸汁，食落相對解膩！）🤍雞湯雞湯用壺端上，色澤清澈，上台既
👍🏻南非鮑魚鐵板燒（二人前）
🤍前菜
食大餐前，先黎清洗一下味蕾，食點開胃菜。秋葵藜麥沙律淡口而清新。豆腐滑嘟嘟，配上新鮮嘅龍蝦肉，清甜無比。
🤍汁煮白鱈魚
一道好考功夫既菜式，師傅將魚皮同魚肉分開烹調，魚皮燒至薄脆，逼出油份，食落好似薄切薯片咁，香脆可口；白鱈魚魚肉較厚實，皮下脂肪亦比較多，食落鮮甜。
🤍鮑魚
未食之前已經端上四大隻新鮮活鮑魚，大隻到眼都凸埋，仲要郁緊。師傅手起刀落就移除晒啲唔食得嘅部份，烹調嘅時候加入適當嘅調味同淋上煎熟咗嘅牛油。上枱時配埋青海苔忌廉汁，配搭幾特別。鮑魚爽甜彈牙！
🤍季節料理：蒜香天白菇
菇菌味好好好香濃，加上陣陣嘅牛油香，配埋蒜蓉同香蔥粒，食落非常惹味（不過季節料理幾個月就會轉一次）
🤍熊本縣產𝐀𝟓和牛
日本牛既魅力所在，叫咗五成熟，肉質粉嫩，食落口感軟淋，油脂豐腴，口腔充滿住澎湃既牛脂香。外配香脆可口既蒜片，仲可以按個人喜好加以調味 : 岩鹽/黑椒/酸汁/𝐰𝐚𝐬𝐚𝐛𝐢/櫻桃紅酒汁。（日式食法：夾上蒜片同𝐰𝐚𝐬𝐚𝐛𝐢沾上酸汁，食落相對解膩！）
🤍雞湯
雞湯用壺端上，色澤清澈，上台既時候剛好用黎中和剛才既每道菜式，配上靈芝菇同蝦仁，雞湯味鮮甜濃郁。
🤍炒飯
米飯粒粒分明，珍珠米帶點咬口，瑤柱絲非常香口，整碟炒得相當夠鑊氣。師傅上菜之前仲會自己先試吓味，再調整調味，外配漬物。
🤍甜品
有蜜瓜同雪糕選擇，雪糕有味道可以選：抹茶、黑糖雲呢拿、柚子。小編揀咗黑糖雲呢拿，食落好滑，不過最經驗嘅一定係個蜜瓜，甜到好高，滿滿嘅水果汁同果香，係一餐飯最完美嘅作結。
👍🏻👍🏻一路食就會覺得廚師同侍應嘅合作度好高，全程好似睇緊藝術表演咁。
張貼
