影片
更多
2020-11-16
45 瀏覽
❣️Tapa Room (積福大廈) (銅鑼灣)🔍銅鑼灣謝斐道415-421號積福大廈地下B號舖-----精神緊張地工作了5天，終於迎來了週末假期，當然要食餐好嘅慰勞下辛勤的自己。這間門口以大量霓虹光管作為裝飾的西餐廳，B仔想試好耐，所以這個週末就早早Book定位過黎食午餐，單是店外都已經有大量打卡位可供影相，非常吸睛。📷走進店內，一邊是多張深色木檯的用餐位置，一邊則是大型Bar檯，牆上更有大型「食鬼」霓虹燈裝飾。而桌子旁邊的餐具抽屜亦甚有格調，睇得出店主在裝修上應該下了不少苦功。看完餐牌之後，就有非常有禮貌嘅侍應哥哥仔上來招呼，未開始食嘢，已對餐廳整體環境留下不錯印象👍🏻。✨薄切慢煮八爪魚 $78✨薄切嘅八爪魚🦑爽口非常，散發淡淡海水味，再配以橄欖油蕃茄醬🍅作點綴，係天然鮮甜之上，再多一層酸酸地又帶微微辣嘅調味，非常開胃。✨巴塞隆拿紅蝦 $88✨擺盤精緻嘅紅蝦，令人一見傾心，表面撒上香葉碎碎作裝飾及提香之用，肉質爽口，但調味感不重，味道多來自食材本身🦐。✨ 檸汁白酒煮蜆 $98 ✨香檸白酒味滲透係隻隻脹卜卜嘅大蜆內，味道鮮甜，口感滑彈，無論配啤酒定雞尾酒都是一級的棒。🍴✨烤煎慢煮西班牙
🔍銅鑼灣謝斐道415-421號積福大廈地下B號舖
-----
精神緊張地工作了5天，終於迎來了週末假期，當然要食餐好嘅慰勞下辛勤的自己。這間門口以大量霓虹光管作為裝飾的西餐廳，B仔想試好耐，所以這個週末就早早Book定位過黎食午餐，單是店外都已經有大量打卡位可供影相，非常吸睛。📷
走進店內，一邊是多張深色木檯的用餐位置，一邊則是大型Bar檯，牆上更有大型「食鬼」霓虹燈裝飾。而桌子旁邊的餐具抽屜亦甚有格調，睇得出店主在裝修上應該下了不少苦功。看完餐牌之後，就有非常有禮貌嘅侍應哥哥仔上來招呼，未開始食嘢，已對餐廳整體環境留下不錯印象👍🏻。
✨薄切慢煮八爪魚 $78✨
薄切嘅八爪魚🦑爽口非常，散發淡淡海水味，再配以橄欖油蕃茄醬🍅作點綴，係天然鮮甜之上，再多一層酸酸地又帶微微辣嘅調味，非常開胃。
✨巴塞隆拿紅蝦 $88✨
擺盤精緻嘅紅蝦，令人一見傾心，表面撒上香葉碎碎作裝飾及提香之用，肉質爽口，但調味感不重，味道多來自食材本身🦐。
✨ 檸汁白酒煮蜆 $98 ✨
香檸白酒味滲透係隻隻脹卜卜嘅大蜆內，味道鮮甜，口感滑彈，無論配啤酒定雞尾酒都是一級的棒。🍴
✨烤煎慢煮西班牙黑毛豬鞍架配些厘醋燒汁伴炸薯粒 $158✨
呢盤一上檯便俘虜咗B仔視覺同味覺嘅主菜，質素幾有驚喜。慢煮過嘅黑毛豬鞍架比起一般嘅豬鞍更為粉嫩，肉質扎實得黎，又不失柔嫩中，入口非常Juicy，豬🐷味突出，配搭埋炸得外脆內軟嘅薯粒，實在係冇得輸，唔怪得之見台台都叫。
✨西班牙海鮮鍋飯 二人份 $188✨
黎得西班牙🇪🇸餐廳，梗係要叫個西班牙海鮮飯黎試下，飯上鋪滿青口、魷魚圈、蜆同大蝦等等，令粒粒煙韌有口感嘅米粒更顯鮮味，但若要我在主食裡二選一，個人會覺得黑毛豬鞍架味道更令人深刻。
✨炸西班牙油條配朱古力醬 $58✨
表面沾滿玉桂粉同糖粒嘅西班牙油條，邪惡度滿分，入口脆度驚人，蘸點一下濃郁嘅黑朱古力醬，入口甜度平衡得恰到好處，係平時好少機會食到嘅高質西班牙甜品，值得一試。
飲品方面，我地叫左一杯🍸Classic and contemporary（$108）同 一杯🍺Damm Lemon fruit beer Spain（$88），前者加入Lime lemon 同 juniper berries作調味，口感清新低甜，亦容易入口，但相較來說，個人則更愛後面嘅呢杯西班牙🍋檸檬啤，雖然冇雞尾酒嘅多重調味，但整體味道卻更有驚喜，入口會先嘗到陣陣檸香，緊接嘅係淡淡嘅果酸味同天然甜味，吞落去之後，酒精味則會再慢慢湧出黎，層次非常豐富，配搭各種海鮮都非常合適。
張貼
