Next Station Dessert (已結業)

一直好想試衣間甜品，今日終於同朋友尼到歎個甜品下午茶，女人食甜品真係有第二個胃，我地三個人一共食左五個甜品！Test tubeSize比想像中大，店員介紹要先吃青瓜山葵沙冰，跟住食mojito，最後食伯爵茶奶凍配特濃咖啡泡沫。青瓜山葵沙冰係青瓜同芥末味，食落好似甜既wasabi，個人覺得配搭同味道好怪，食左一兩啖就冇食。mojito係張mojito既配料分開三張做左三層甜品，最頂層既薄荷啫喱味道怪怪地，中開lime mouse甜甜地幾好食，底層青檸啫喱不過不失。伯爵茶奶凍個人認為最好食，頂層泡沫唔太吸引，但伯爵茶奶凍好好味，奶茶味香濃突出，甜度適中。法式朱古力班戟配青檸雪芭最鐘意衣個甜品！薄薄既班戟皮包住香濃黑朱古力，朱古力份量好多，好軟，班戟皮同朱古力好夾，朱古力迷必食！青檸雪糕略嫌雪得太硬，要食完班戟先食到，雪糕好香青檸味，唔算甜，感覺幾清新。綠茶心太軟配綠茶雪糕Size同普通心太軟差唔多，綠茶蛋糕好軟熟，流心好香綠茶味，都幾甜，配埋綠茶味蛋糕一齊食好正！黑胡椒心太軟配雲喱嗱雪糕雪糕又係太硬，要食完個心太軟先食到。黑朱古力蛋糕配上有胡椒味既流心，一開始食到好濃既黑朱古力味，跟住就食