影片
更多
2015-08-28
417 瀏覽
難得屋企唔煮飯所以落樓下揾野食，見倒呢間未食過就入去試下。我地一行三人都係叫牛扒餐，賣相睇落精美，點知有兩個中左招。。。我叫左西冷五成熟($108)約6~8安士，其實呢個價錢加呢個質數都算合理既，不過切開只得一點點粉紅色，完全冇血水，感覺上比較熟左啲，同預期有啲出入，口感尚算ok。個配菜就出事啦，我選左紫薯粒點知硬到食左一粒就放棄左啦。(配菜係紫薯粒/蓉，出黎係天同地既分別)我屋企人分別叫左肉眼五同六成($128)約6~8安士，五成個份帶一點血水，口感合格，係三份入面最好的，但六成個份一黎到就出事，切開得一隻色，連汁都唧唔出一滴。如果要我估我只會諗倒十成熟或以上，因為唔想浪費所以冇叫佢換。。。結果後者個份食左一半都冇，還好配菜個紫薯蓉幾好味，份量同kf雞個個差不多。跟餐加$25連湯加飲品，感覺唔多底不過都係叫左，是日蕃茄湯味道ok，算係個好既開始，但係凍奶茶是台式的(凍飲再加$4) ，感覺同食物格格不入。。。總結：佢地既出品質數唔多穩定，個紫薯粒跟本硬到食唔倒，唔應該面世，牛扒品質同價錢只可以話尚算合理，但係就要睇彩數，三塊牛扒煮出黎都有分別，感覺上都係偏熟多，飲品都好好好一般。是日
難得屋企唔煮飯所以落樓下揾野食，見倒呢間未食過就入去試下。我地一行三人都係叫牛扒餐，賣相睇落精美，點知有兩個中左招。。。
我叫左西冷五成熟($108)約6~8安士，其實呢個價錢加呢個質數都算合理既，不過切開只得一點點粉紅色，完全冇血水，感覺上比較熟左啲，同預期有啲出入，口感尚算ok。個配菜就出事啦，我選左紫薯粒點知硬到食左一粒就放棄左啦。(配菜係紫薯粒/蓉，出黎係天同地既分別)
我屋企人分別叫左肉眼五同六成($128)約6~8安士，五成個份帶一點血水，口感合格，係三份入面最好的，但六成個份一黎到就出事，切開得一隻色，連汁都唧唔出一滴。如果要我估我只會諗倒十成熟或以上，因為唔想浪費所以冇叫佢換。。。結果後者個份食左一半都冇，還好配菜個紫薯蓉幾好味，份量同kf雞個個差不多。
跟餐加$25連湯加飲品，感覺唔多底不過都係叫左，是日蕃茄湯味道ok，算係個好既開始，但係凍奶茶是台式的(凍飲再加$4) ，感覺同食物格格不入。。。
總結：佢地既出品質數唔多穩定，個紫薯粒跟本硬到食唔倒，唔應該面世，牛扒品質同價錢只可以話尚算合理，但係就要睇彩數，三塊牛扒煮出黎都有分別，感覺上都係偏熟多，飲品都好好好一般。是日只試過牛扒(失望收場) ，應該會去多次試埋期他食品。
張貼
