囍源古早蛋糕 (已結業)

古早味蛋糕係我同屋企人嘅最愛，但係好難搵到一間超好食或者令我好回味嘅，呢一間就係例外啦！所以一定要寫篇好評去讚賞下！！！經過見到有呢兩款都幾吸引，所以就買咗！鹹蛋肉鬆餡料爆棚，鹹鹹香香，仲要有粒粒蛋黃碎！杏汁杏仁就完全好似食緊糖水嗰種味道咁樣 ，杏香好重，係杏仁獨有嘅香氣。兩款蛋糕都超級濕潤，撳落去個蛋糕面仲識彈返上嚟，全部低糖又冇燶邊！仲有朱古力味、咖啡味、榴槤味、原味、三層巨無霸、四層巨無霸都好想好想試！！！