番茄18

營業中

休息中

今日去左荃灣呢間主打食番茄米線既新店。成間餐廳佈置好懷舊，有老香港特色，勁多打卡位，座位夠寬敞。餐牌選擇除左招牌番茄湯之外，仲有麻辣同水煮系列，價錢亦好親民。花膠雞湯米線：用上矜貴既花膠，讓客人可以平民價錢，品嚐到高質食材。大大塊花膠加上成隻切雞脾，鋪喺米線上面，淨係賣相已經非常吸引眼球，花膠無腥味，炆得夠腍，有咬口；切雞脾嫩滑可口。番茄湯底牛乳炒蛋：番茄湯超級香濃，有好多番茄蓉，配上炒蛋簡直係絕配，蛋煎到金黃色，蛋香十足又滑溜，撈埋番茄湯一齊食，好食到成碗米線連湯飲晒。招牌瑞士雞脾：雞脾好大隻，醃得好入味，連D雞肉都係深啡色，個瑞士汁唔會太甜，帶少許肉桂味。香煎豬扒：煎到全熟但又保持到肉質嫩滑，火喉控制得剛剛好。華田脆脆：上枱仲暖暖地，口感香脆可口，充滿阿華田風味 。