維記咖啡粉麵

營業中

休息中

出哂名嘅維記好耐以前食過，個陣都未開到3間舖位咁大，可見佢地水準保持得唔差。即使係3間舖位但假日去到都唔容易搵到兩個位。咖央西多士第一樣到，雖然係名物之一但個人認為完全不值一試😕”咖央”純粹係得個甜字，同新加坡食過嘅天淵之別，一啲椰香都冇。之後就係主角嘅膶牛米加底啦，呢樣就唔會失望啦！豬膶同牛肉多到就快瀉出黎，食極都唔完咁。口感爽脆，同最中意陣騷味。牛肉都係一貫水準啦。仲叫左杯凍奶茶，但冇乜特別。