一起‧金饍 (已結業)

掛念韓國，無假期，無錢飛去一轉，唯有今日同朋友一起．金饍。我同朋友大約下午兩點到達餐廳，可能因為過咗lunch hour，所以我哋唔洗等位就可以直接入去坐低。餐廳環境充滿韓國氣氛。至於食物，亦充滿韓式味道。泡菜餃子作為前菜黎講，呢款泡菜餃子好開胃，因為餃子被炸過更脆口，內裏餡料都係泡菜，而且外面淋上醬汁，酸中帶點微辣。鐵鍋芝士雞翼 雞翼炸得金黃香脆， 內裏肉質嫩滑，size算大隻，而且一共有六隻。食嘅時候雞翼配埋芝士，令味道更有層次，而且店員告訴我，呢款芝士由兩種不同嘅芝士混合而成，令芝士味更為特別。我個人認為芝士有拉絲嘅效果，好吸引，不過芝士味不算太濃。雞肉雜菜炒烏冬雞肉配合紅蘿蔔絲、椰菜絲同烏冬一齊炒，上菜時已經聞到香噴噴嘅味道。烏冬亦夠彈牙，而且每條烏冬都充滿香濃既醬汁味，好食！另外，仲有半隻烚蛋作為伴菜添！烤雞肉飯雞肉嘅份量唔少，帶有一點點甜味，味道啱啱好，不過可能雞肉炒嘅時間耐左少少，所以唔夠嫩滑。至於雞肉配埋嘅白飯，我亦好喜歡，因為米飯比較乾身爽口，啱晒唔鍾意食「軟飯」嘅我，哈哈！