濟州燒肉食堂

營業中

休息中

行街血拼有啲攰，夜晚就要同閨密食返個豐盛大餐！ 德福二期嘅濟州燒肉食堂，就喺美食廣場入面，環境開揚，平日都唔駛等位，無限時可以慢慢食慢慢傾計。 一級五花肉套餐已經包括一級五花肉、和牛牛五花、安格斯牛外裙肉、牛小排、一口鱈魚肉、蘋果梨汁雞肉同一個湯，都好豐富~~ 兩大件一級五花肉，肥瘦相間，一路燒油脂一路爆出嚟，香味四溢，加少少芥辣再用生菜包住嚟食，一流！ 其餘五款肉類放成一個拼盤，份量都幾大。牛小排同外裙肉都唔錯，燒到七成熟左右就最正。三款牛當中我最鍾意梗係和牛牛五花，肉質軟嫩又油脂豐富，留返最尾先食。雞肉用蘋果梨汁調味，多汁又帶少少果香，燒到雞皮香脆，美味~ 一口鱈魚肉燒完無縮水同散開，一口一件！薯仔排骨湯熱辣辣，湯料多。生牛肉石頭鍋飯上枱即係攪拌，再等一陣先食，咁就有飯焦特別香口。海鮮煎蔥餅煎得乾爽唔油膩，口感酥脆，送酒就最啱。叫一鍋荔枝生米酒，甜美清新，酒精濃度唔係好高易人口！ 一碗接一碗，夠盡興！