巴椒線 (裝修中)

難得有幾日假期，一早約左朋友坐高鐵上大陸玩，雖然唔係第一次坐高鐵，但次次到香港都好夜，所有食店都關晒門(晚上9點幾)。今次早左到港，決定食埋晚餐先返去，西九龍站其實真係冇咩好食，去到美食廣場，得3間餐廳，每間得幾個選擇..最後決定試巴椒線，點左個牛魔王麻辣米線套餐，同巴椒線麻辣米線套餐。明明人唔算多，但唔知係咪因爲晚上職員比較少，等左差唔多15分鐘先有。碗面一到⋯嘩⋯好紅丫⋯第一啖食已經辣到係到咳！而且碗麵其實一d味都冇，得個辣字！冇錯！係一d味都冇！米線係淡而冇味，湯底係清水甘，根本係將辣椒油倒落去就算。成碗面最好食係粒牛丸⋯d牛筋韌到咬唔斷，要成舊放入口。魚丸係硬，唔知係咪未熟。成程一路食一路鬧，食到個咀麻左，雖然份量好少，但辣到頂唔順。個套餐成60幾蚊，呢個價錢我出去食好過！