Youni (黃埔天地享膳坊) (已結業)

有咩開心得過可以一路keep fit減肥但又一路食好西？呢間舖應該係為咗佢啲健身memeber而設嘅，等佢地做完gym之後可以順便食個靚飯補充翻啲營養。餐單上面列晒食物嘅卡路里，可以等你自己衡量想食邊樣野，唔驚會爆卡路里。我嗌咗慢煮叉燒+蕎麥麵+木耳(跟餐送咗碗湯)，用木製餐具裝住令到成件事好健康好grand，食落都開心啲。個人幾推薦大家試下個叉燒，慢煮嘅方法令到佢一啲都唔柴好好食，而個木耳都好好食，酸酸甜甜幾開胃，但個蕎麥麵就唔太推薦，我個份可能煮得太耐個麵太淋。順帶一提，佢個半開放式廚房超靚，係外面望到就已經吸引到我入去食。