十二味 (裕民坊YM²)

營業中

休息中

好耐冇食十二味，見到分店越開越多，疫情前久唔久都會返深圳食酸菜魚，而家香港都開到成行成市。今日係觀塘分店，已經較早去7點左右，餐廳入面都已經坐滿人，要暫時門口拎飛等，不過都算快，10分鐘左右。兩人一坐低已經有目標叫咩，事原對上一次來食酸菜魚，見隔離枱叫左盆巨型辣鍋。今次決定左叫麻辣滷水香鍋$198，一上枱好震撼，而家麻香氣撲鼻，今人食欲大振，兩個人應該食唔曬。有五種材料，包括滷水豬手、雞腳、薯仔片、蓮藕片和打左結的海帶。每樣配料都好入味，但已經叫左小辣，可是越食越辣，後勁凌厲。