好好茶餐廳 (已結業)

趁天寒地凍，食煲仔飯最好不過，因為天氣一回暖的話風味差很遠的。一連兩晚來這裡，因為試完第一晚之後覺得太正，畢竟冷日子香港不太多，趕住encore。第一晚我要最正路的鳳爪排骨飯，一流，Ｄ飯夠香夠乾，排骨肉汁滲入飯內非常入味，排骨肉本身亦很鮮味，沿住煲邊及煲底的飯焦乃精華所在，有少量太燶唔敢食，其餘停唔到口。另一個係肉餅飯，我試咗少少，飯的水準跟上面一樣好，肉餅比豉汁排骨素咗ＤＤ，但加Ｄ煲仔飯豉油得晒。第二晚我要白鱔飯加膶腸，又得，白鱔本身多油，滲晒入飯內，膶腸切開三四份，唔好處是冇咗外脆內軟的感覺，好處是Ｄ膶腸落晒入飯內，合理的，煲仔飯飯是主角嘛。飯焦無第一晚咁燶，亦超好味。另一個係班片排骨飯，試了塊班片，比想像中鮮味，飯的水準亦同上，油份當然差Ｄ，但亦一流。兩晚都加咗個22蚊炒白菜，很夠鑊氣。