酒常堯Grill & Chill

營業中

休息中

經過疲累的一週工作，終於到咗星期五放工，好好的𡘾勵吓自己，就去咗灣仔食串燒啦！兩個人叫咗一整桌的串燒，真過癮！先嚟枝豆小食！食日本串燒一定係食碟枝豆過吓口癮，既健康更加引起我嘅食慾！跟住係自家製免治雞肉棒 這個係女朋友每次必點之選！超彈牙，配上自家調製醬油，突顯內裏雞軟骨嘅濃郁香味，配到極點！雞肝和雞腎有水準，有些人唔鍾意食內臟因嫌有些少腥味，但在這裏施對放心！燒厚切牛舌是我每次食串燒必點嘅！好味道！再嚟點蔬菜以平衡健康：秋葵，豆腐，蘆筍，羽衣甘藍，經燒烤後香口得嚟又不失田園風味。跟住就係有驚喜嘅清酒煑大白蜆如斯大嘅大白蜆，肥美飽滿，洋溢著海洋氣息，更加夾雜着清酒的鮮甜，一啖入口分不清是蜆肉還是清酒的甜美！煲底的嫰滑豆腐更是一絕，我哋食到成碗連湯都清埋，超滿足！最後係期待很久嘅燒油甘魚鮫魚鮫有很多肉，燒烤後油脂溢出，配以酥脆嘅魚皮，連骨頭都香脆無比，絕對係今晚嘅壓軸表演！等都是值得嘅！食完後仲有自家煲羅漢果水飲，超爽！一週嘅疲勞盡銷！很期待下週的來臨！