牛霸小麵店 (已結業)

相比起大排長龍嘅人氣名店，橫街小巷嘅隱藏美食更深得我心💕！今日帶大家去灣仔尋寶，滿佈鎢絲燈泡嘅型格酒吧店面💡，卻煮出好味台灣菜。聽住老一派廣東話歌同英文歌輪流播放📻，握住台灣釀製啤酒，食住真台味嘅菜式，格外有趣🥴。見我哋食飽，侍應哥哥貼心送上牙籤，再輕輕離去，有一種難以言喻嘅小店情懷呢~————————————————👅寶寶肉肉便當套餐（$68）👍🏻呢個套餐認真豐富，四寶飯便當加貢丸湯，加多$3又有一杯珍珠奶茶🧋，性價比爆燈啦！👍🏻紅燒牛腩一咬會一絲絲散開又唔會乾，豬軟骨嘅軟骨軟到好似啫喱咁🐷，仲有好令人懷念嘅夜市台灣香腸，食肉獸必叫！👅牛三寶牛肉麵（$70）👍🏻免費轉咗手打麵，係爽滑嘅幼麵，牛肚入味又唔韌，大大件牛腩保留肉感😙，咁大條牛筋真係少見，軟冧冧又連住少少肉，正喎！👅台灣夜市小拼盤（$48）👍🏻鹽酥雞比正常size為之大，因為炸皮薄，一口下去滿滿是肉🍗，重口味亦可沾芝士醬👍🏻仲有爽口花枝條嘅花枝丸，香口台灣腸同木魚炸豆腐.👅木魚炸豆腐（$35）👍🏻嫩滑豆腐裹木魚絲再炸，外脆內嫩，愈嚼愈有木魚香，口感幾有驚喜😲，主要味道係泰式甜辣醬.👅柚子愛上雞翼（$35）👍🏻 雞翼大大隻啖啖