影片
更多
2023-12-19
9 瀏覽
冬天嚟到最鍾意就係去燒烤同埋打邊爐，食完個身就暖笠笠🥰最近搵到間好特別嘅泰國菜，主打一鍋二食，仲要係火鍋同燒烤同時進行，可以一次過滿足晒兩個願望！一坐低店員就奉上泰國蝦片，蝦香味濃郁，而且炸到脆卜卜，配埋自家製嘅蛋黃醬別有一番滋味。而且蝦片係任食，平時就好少食，呢餐可以盡情食返個夠本！跟住店員就嚟加我哋嗌咗嘅兩款湯底，分別係牛骨湯同埋椰汁雞湯。喺淥食物之前試咗原汁原味嘅湯味道，牛骨湯比較清甜有啲似有牛香味嘅壽喜燒，椰汁雞湯就超級香濃，直頭可以𢳂一碗咁當湯飲。最重要嘅肉食部份有齊雞肉，牛肉，同埋豬膶，海鮮方面就有魷魚。肉類全部都已經醃好，同平時食開嘅日式或者韓式燒肉味道好唔同，而係好特別嘅泰式味道，好值得一試。店員教落可以先用火鍋灼一灼沾啲味道，然後再煎一前層表面，道理有啲似慢煮完再攞去煎香佢，所以食落肉質嫩滑，而外層充滿油香。食泰菜當然唔少得最出名嘅木瓜沙律，呢款木瓜沙律偏辣，而且越食越辣，但係味道調得好好，怕辣嘅話可以用火鍋湯底洗一洗先至食，咁樣就會多咗兩道椰子雞湯或者牛骨湯味嘅沙律啦😆飲品方面嘅泰式奶茶同泰式奶綠都好地道，茶底超級香，無論係紅茶定係綠茶，香濃嘅茶味配埋鮮奶，飲落香濃
一坐低店員就奉上泰國蝦片，蝦香味濃郁，而且炸到脆卜卜，配埋自家製嘅蛋黃醬別有一番滋味。而且蝦片係任食，平時就好少食，呢餐可以盡情食返個夠本！
跟住店員就嚟加我哋嗌咗嘅兩款湯底，分別係牛骨湯同埋椰汁雞湯。喺淥食物之前試咗原汁原味嘅湯味道，牛骨湯比較清甜有啲似有牛香味嘅壽喜燒，椰汁雞湯就超級香濃，直頭可以𢳂一碗咁當湯飲。
最重要嘅肉食部份有齊雞肉，牛肉，同埋豬膶，海鮮方面就有魷魚。肉類全部都已經醃好，同平時食開嘅日式或者韓式燒肉味道好唔同，而係好特別嘅泰式味道，好值得一試。店員教落可以先用火鍋灼一灼沾啲味道，然後再煎一前層表面，道理有啲似慢煮完再攞去煎香佢，所以食落肉質嫩滑，而外層充滿油香。
食泰菜當然唔少得最出名嘅木瓜沙律，呢款木瓜沙律偏辣，而且越食越辣，但係味道調得好好，怕辣嘅話可以用火鍋湯底洗一洗先至食，咁樣就會多咗兩道椰子雞湯或者牛骨湯味嘅沙律啦😆
飲品方面嘅泰式奶茶同泰式奶綠都好地道，茶底超級香，無論係紅茶定係綠茶，香濃嘅茶味配埋鮮奶，飲落香濃而且順滑。
張貼
