一鍋堂 (瓊華中心)

營業中

休息中

食過幾次一鍋堂，每一次都非常滿意，任食任飲仲要質素咁高嘅餐廳真係買少見少！而家天氣咁冬，最啱一齊烚下烚下，咁啱朋友生日就去左食。提提你，而家晚市9點入座，仲有得減$20同埋額外多30分鐘添！湯底（⭐️⭐️⭐️⭐️⭐️）今次我同朋友就食番Level 3，level 3 選擇都有25+特別菜，夠晒我地食。湯底有10幾款選擇，我同朋友都食得清淡就揀咗杏汁豬肚湯底，湯底真材實料，落咗好多豬肚，湯水都非常有杏仁味！前菜（⭐️⭐️⭐️⭐️⭐️）如果鐘意食沙律嘅都有沙律吧自助，材料款式相當多，望落非常新鮮！鐘意炸物嘅餐廳有鹽酥雞、炸魚皮提供，有暖燈照住仲好保持到脆口添！肉類（⭐️⭐️⭐️⭐️⭐️）套餐主打嘅封門柳同特色安格斯牛肉就必食。前者肉味爆燈，後者油脂分佈均勻，煮熟後香噴噴好彈牙。配菜類（⭐️⭐️⭐️⭐️⭐️）丸類選擇好多，款款都好彈牙，聽講係大埔振興提供嘅！菜類選擇豐富，有大量時令蔬菜，包括豆苗、菜心、生菜同娃娃菜。菇類都有好多款，冬菇好香一定要試！飲品（⭐️⭐️⭐️⭐️⭐️）飲品方面有自家製嘅茶飲選擇，包括下火用嘅菊花茶、養顏嘅洛神花茶、仲有而家好興嘅鴨屎香檸檬茶。鍾意啤酒汽水嘅都有大量款式選擇，真係花多眼亂，太多野要試啦！~~~~~~~