One More Hotpot 來一鍋 (已結業)

大熱天時打邊爐又有咩好怕喎！於是今日就揀左呢間位處於銅鑼灣鵝頸橋側邊既樓上任食火鍋 - 來一鍋 黎熱一熱佢。你可以揀價錢相宜既$288藥膳套餐又或者可以好似我地咁揀$368既海鮮套餐，兩者都可以食左兩個半鐘。話明任食，野飲都當然任飲，除左一般果汁、汽水同啤酒之外，竟然連紅酒同白酒都有得任飲。湯底揀左花膠螺頭雞湯，十分足料，最重要係夠哂滋補。海鮮拼盤係位上既，帶子、蝦、象拔蚌、鮑魚、青口、大蜆同龍躉片，份量十足。手切安格斯牛頸脊肥牛片，牛味濃郁羊肉片都唔錯全晚最驚喜就係呢個巨型炸響鈴，大到連過煲都差D放唔哂，連炸魚皮都比一般大件墨丸、豬肉丸，流手牛肉芝士丸、釀豆卜、雲吞、韮菜餃同水餃全部都係手工打造釀製，新鮮足料。最尾仲要每人一杯3.6牛乳布丁，香滑濃！總結：食物多元化，環境舒適寬敞。