一瀧 (已結業)

一入門口已經好有feel, 出面嘅座位有紅葉樹，可以欣賞紅葉，入面就可以坐榻榻米，最入面都有紅葉睇！所以無論坐邊個area都會感受到日本嘅氣氛前菜日本海膽配豆腐皮一上菜已經見到好靚嘅擺盤，海膽上面仲有金箔，好有貴氣，海膽鮮味十足，唔會腥，從日本空運過嚟，好新鮮🥰第一次食豆腐皮，碗嘅最底層係豆腐，中間就係豆腐皮，食落去幾有口感，因為好滑，而且可以食到豆腐本身嘅味道都唔會落咗調味料正餐鰻魚鵝肝墨魚汁卷鰻魚味都好龍，如果成夠食，就會成都鵝肝嘅味道，所以特登先食鰻魚，然後食鵝肝卷，鵝肝味道非常突出，食落去好有滿足感，加上墨魚汁，簡直係有創意又好食嘅料理廚師發辦手握壽司🍣一共有九個手握壽司，最好食一定係海膽，因為海膽份量非常足夠，滿足左我三個願望。另外有帶子壽司，帶子新鮮，大大粒，配上軟熟嘅壽司飯，令人回味；下嘗試上面有啲魚子醬，擺埋一齊食，好有格調🥰另外有唔同嘅鮮魚壽司都係好滑總體嚟講，環境同嘢食都好高質素，情侶或者屋企人一齊嚟，都會食得好開心