影片
更多
2019-03-05
648 瀏覽
未試過食一餐飯係可以憤怒嘅因為趕時間，所以12:50兩個人去搵三個位先，仲叫定嘢食等佢一坐低食得。到12:55亞老闆娘已經問我朋友到未，我話叫咗嘢食唔係白坐啦！亞老闆娘同我講佢都要交租喎！轉個頭另一個人又問我朋友到未比人喝、比錢人歧視你都算，你咪比垃圾我食吖！我唔食肉唔代表係食廚餘架！$50一碟嘅冬菇炆節瓜，有相你自己睇，兩粒開邊鮮冬菇（係鮮冬菇唔係乾菇浸完再煮），五嚿節瓜件再加幾條娃娃菜，皇恩浩蕩比多兩片甘荀你，飯係硬嘅，味道係還可以嘅，呢碟嘢加杯凍飲盛惠$50。其他快餐味道同賣相係OK嘅！睇返其他食評話炒公仔麵好食，都係勸喻大家，食返D大路嘢穩陣。最緊要係，預備好光速食飯咀同胃至好嚟食，仲要齊人至好入門口，如果唔係，比錢你都有排受呀！
因為趕時間，所以12:50兩個人去搵三個位先，仲叫定嘢食等佢一坐低食得。到12:55亞老闆娘已經問我朋友到未，我話叫咗嘢食唔係白坐啦！亞老闆娘同我講佢都要交租喎！轉個頭另一個人又問我朋友到未
比人喝、比錢人歧視你都算，你咪比垃圾我食吖！我唔食肉唔代表係食廚餘架！
$50一碟嘅冬菇炆節瓜，有相你自己睇，兩粒開邊鮮冬菇（係鮮冬菇唔係乾菇浸完再煮），五嚿節瓜件再加幾條娃娃菜，皇恩浩蕩比多兩片甘荀你，飯係硬嘅，味道係還可以嘅，呢碟嘢加杯凍飲盛惠$50。
其他快餐味道同賣相係OK嘅！睇返其他食評話炒公仔麵好食，都係勸喻大家，食返D大路嘢穩陣。
最緊要係，預備好光速食飯咀同胃至好嚟食，仲要齊人至好入門口，如果唔係，比錢你都有排受呀！
張貼
