美斯餐廳 (已結業)

住喺九龍城都差唔多一年喇，每次經過都會諗吓呢間餐廳好唔好食架?? 平時人流都唔係太多。噚晚同老公放工後唔想煮飯，於是就去咗美斯食飯喇，入到去班waitress好有禮貌咁問我哋幾多位，仲安排我哋坐卡位，仲好有禮貌幫我哋落單，食物好快就到，味道真係唔錯。最值得一讚係...佢哋嘅環境好乾淨，餐具完全冇油膩嘅感覺，連埋杯茶都係熱架，依家已經好少餐廳係咁架喇！隔咗一陣，有個男士坐喺我後面，其中一個waitress好有耐心咁介紹扒餐俾客人聽，個客人話咁多選擇要諗吓先，個waitress就好禮貌咁話：好呀！你麻麻諗吓先啦！我哋叫咗一個雞扒餐，一個鐵板肉眼扒拼豬扒。兩個餐都好好味下次一定會再來！