Shibui 洋食屋 (已結業)

今晚又係cafe hopping嘅時間，黎到呢間留意咗好耐，一直都好想嚟嘅cafe🙂 Shibui係一間好精緻、充滿舊式日式咖啡廳感覺嘅cafe，店裏好多有品味嘅小裝飾，配搭柔和嘅燈光，令人感覺好舒服。先點一杯個個都打卡嘅飲品：「青い空」係橙同檸檬味梳打加左藍色糖醬，重點係上面白色嗰個波波，其實係日本柚子雪芭，入面有柚子粒，口感豐富，味道清新。小食點咗唐揚小食拼盤，有魷魚圈、一口芝士、雞軟骨，炸得香脆熱辣辣嘅小食最適合一路傾偈一路食，一啖一粒👍🏻 吉列廣島蠔都係推介嘅小食！主食要咗一個咖喱一個牛扒，渋い咖喱吉列十勝豚拌飯分量十足，豚肉味道唔錯，日式咖喱汁用嚟撈飯一流！鐵板和牛肉眼扒肉質鮮嫩，鮮嫩，肉脂豐富，食肉獸好滿意呀！最後飲多杯特濃朱古力，暖笠笠、好滿足咁樣離開😊