影片
更多
2018-07-08
497 瀏覽
原來我已經八年無寫食評。可以令到我重新執筆兼寫中文，你可想而知個嚴重性！話說某個中午同同事來到呢條街想試某間餐廳。但係 lunch time 全部餐廳都爆晒就係除左你間「嗑眼訓」. 如是就好自然的入左來。望完個餐牌無咩好食，所以叫左寫係 cashier 水牌的菠菜雞肉意粉。但係唔知點解，個侍應唔識落單，所以走去問個廚師。然後個廚師就大力放低個鏟，凶神惡煞走過來問我要咩。我又重複講一次兼指比佢睇。我想講佢的臉係黑到無朋友、態度衰到爆。我心念可能人手唔夠所以忙到黑臉。但係我再睇睇，個場加埋我地都係八個人，有三個已經食完係度傾計。之後兩個朋友就叫了其他東西。然後隔左十五分鐘，兩位朋友的 risotto 到了。賣相還可以。之後我再等多十分鐘，就問個侍應碟粉好未？侍應話整緊。之後又過左五分鐘，隔離後來的客都已經上晒，我都係無。朋友都差唔多食完，我又再問多一次。今次個侍應有同個廚師講。然後重頭戲來啦！啊廚師又大力丟嘢！今次係個鍋！總要好大聲。我心念咩料啊。一個意粉整左半個鐘總要發脾氣。之後隔左幾分鐘，碟青 BB 終於上來。我朋友一睇都「嘩」左一聲。係衰個隻「嘩」。菠菜雞肉意大利粉但係雞，就得三小塊
話說某個中午同同事來到呢條街想試某間餐廳。但係 lunch time 全部餐廳都爆晒就係除左你間「嗑眼訓」. 如是就好自然的入左來。
望完個餐牌無咩好食，所以叫左寫係 cashier 水牌的菠菜雞肉意粉。但係唔知點解，個侍應唔識落單，所以走去問個廚師。然後個廚師就大力放低個鏟，凶神惡煞走過來問我要咩。我又重複講一次兼指比佢睇。我想講佢的臉係黑到無朋友、態度衰到爆。我心念可能人手唔夠所以忙到黑臉。但係我再睇睇，個場加埋我地都係八個人，有三個已經食完係度傾計。之後兩個朋友就叫了其他東西。
然後隔左十五分鐘，兩位朋友的 risotto 到了。賣相還可以。之後我再等多十分鐘，就問個侍應碟粉好未？侍應話整緊。
之後又過左五分鐘，隔離後來的客都已經上晒，我都係無。朋友都差唔多食完，我又再問多一次。今次個侍應有同個廚師講。
然後重頭戲來啦！啊廚師又大力丟嘢！今次係個鍋！總要好大聲。我心念咩料啊。一個意粉整左半個鐘總要發脾氣。
之後隔左幾分鐘，碟青 BB 終於上來。我朋友一睇都「嘩」左一聲。係衰個隻「嘩」。
菠菜雞肉意大利粉但係雞，就得三小塊總要係臭的。整碟嘢水了了。$88 等左超過半個鐘就比d咁的嘢客人食。最終，我都好無骨氣的了左幾條麵食左。因為太肚餓了。
Well, 唔怪得成條街午市都爆只係得你唔爆啦！原來大家係被逼來食的。
不過今次以後就算整個銅鑼灣都爆晒，我寧願餓死都唔會再來食你肚氣㗎啦！放心！
菠菜雞肉意大利粉
$88
34 瀏覽
0 讚好
0 留言
張貼
