紅堂 (已結業)

第一次去。環境有9分既。我都係睇餐牌有咩推介就試下，因為今次得兩個人。佢個雞翼係幾好味，夠香夠脆。然後叫左個紅油湯底中辣。我本人係好鍾意食辣，食雞煲都叫大辣，今次個中辣我滿意既。對我黎講啱啱好。我叫左個牛頸脊，蝦壽司，毛肚…等等，都係中上之選，個蝦壽司有創意我鍾意。而係選擇方面，佢唔算好好好多野叫，但基本上四川火鍋想食既都有。冰粉糍粑等小食都有。今次人少好多野都食唔到，下次會再去。我覺得食開四川火鍋既食友絕對可以一試，唔會令你失望既。