影片
更多
2020-09-06
1195 瀏覽
兩年前回港同外國朋友排隊食過呢間餐廳，今次再去食，食物水準依然一流，侍應招呼係等級。記得上次食完嘅時候，我哋仲外賣一隻燒鵝返去洒店做宵夜，我哋驚訝嘅地方係，隻外賣燒鵝係個盒入邊隔咗咁多個鐘頭都驚奇地好味，佢哋外賣嘅水準同堂食係一樣好美味，個汁確實令人回味。今次去食嘅原因係因為之前係另外一間食咗不知所謂嘅燒鵝，所以決心要食返一餐好嘅。一坐低覺得冷氣風口位有啲凍，餐廳侍應立即幫我換抬。餐廳侍應招呼十分細心，非常有禮貌。我想食燒鵝，侍應同我講話如果要食上庄，有新鮮出爐燒鵝但要等30分鐘，問我介唔介意，我當然唔介意啦，我話我可以飲住杯嘢等。人生中第一次飲凍鴛鴦，侍應好有耐性，解釋得非常清楚究竟凍鴛鴦係咩嚟嘅。我要求要少啲咖啡，個侍應同水吧職員講叫佢一定要記得少啲咖啡，佢哋嘅服務態度真係專業。好有心嘅服務。我對杯凍鴛鴦無好大嘅期望，點知喜出望外，杯嘢飲非常好味，唔係太甜又唔會好多冰。真係好好飲，如果唔係我要一個人食晒成份燒鵝，我應該會叫多杯飲。隻燒鵝嚟到,個皮好脆，啲肉好Juicy，用筷子夾住啲肉會有肉汁流出嚟㗎，完全冇碎骨，實在太開心啦，真係好好味。肉汁同脂肪比例均勻，唔會好肥。個汁好好味唔會
今次去食嘅原因係因為之前係另外一間食咗不知所謂嘅燒鵝，所以決心要食返一餐好嘅。
一坐低覺得冷氣風口位有啲凍，餐廳侍應立即幫我換抬。餐廳侍應招呼十分細心，非常有禮貌。我想食燒鵝，侍應同我講話如果要食上庄，有新鮮出爐燒鵝但要等30分鐘，問我介唔介意，我當然唔介意啦，我話我可以飲住杯嘢等。人生中第一次飲凍鴛鴦，侍應好有耐性，解釋得非常清楚究竟凍鴛鴦係咩嚟嘅。我要求要少啲咖啡，個侍應同水吧職員講叫佢一定要記得少啲咖啡，佢哋嘅服務態度真係專業。好有心嘅服務。
我對杯凍鴛鴦無好大嘅期望，點知喜出望外，杯嘢飲非常好味，唔係太甜又唔會好多冰。真係好好飲，如果唔係我要一個人食晒成份燒鵝，我應該會叫多杯飲。
隻燒鵝嚟到,個皮好脆，啲肉好Juicy，用筷子夾住啲肉會有肉汁流出嚟㗎，完全冇碎骨，實在太開心啦，真係好好味。肉汁同脂肪比例均勻，唔會好肥。個汁好好味唔會好油，我一個人食晒成份剛剛好。食完之後覺得好幸福。
走嘅時候買咗一份臘腸，收銀職員同侍應都好細心好熱情同我解釋點樣蒸臘腸，要蒸幾耐同埋點樣儲存。一間餐廳當然食物質素係重要但係餐廳服務員嘅專業態度都好緊要，佢哋能夠咁多年嘅服務態度同食物水準都保持到好好嘅級數，仲要係一個咁艱難嘅疫情底下，態度都咁好，呢個係非常難得嘅。香港人要多啲珍惜呢啲咁有人情味嘅餐廳。唔需要豪華嘅裝修，簡簡單單認真用心就可以。我欣賞呢間餐廳，最特別嘅係佢哋嘅廚師同侍應都係冇變，同幾年前一樣。我食得出佢哋嘅人情味。
張貼
