帝豪中菜廳

營業中

休息中

呢間酒樓我已經係第三次嚟食， 第一次係中午飲茶 ，已經覺得佢哋嘅服務好好 ，同埋啲點心好好食。 第二次 因為老公生日嘅原因，所以再想試下呢度嘅晚飯得唔得。 首先講下打電話嚟訂位嘅時候，聽電話嗰位服務員態度非常之有禮貌 ，幫我留低曬啲資料嘅時候，我順便問佢一句收唔收切餅費 ？ 個小姐話唔收切餅費，然後一句好窩心咁同我講咗句: 你可以早啲拎個蛋糕黎，我哋幫你雪住佢都得㗎。 嘩！今時今日打去酒樓訂位，好耐都冇聽過 啲小姐咁有禮貌 。到我哋去到食飯嘅時候 ，見到佢哋所有嘅員工 都好主動 為客人服務 ，尤其是係落單 ，上菜 和加水， 見到佢哋都好快手快腳。 食物方面有水準 ，小菜幾好食，連平時好少讚人嘅媽媽都話呢間酒樓食物好食 。環境方面，酒樓係新開嘅 ，所以都坐得好舒服和好乾淨 。 到我哋食曬飯之後，叫佢哋上蛋糕 ，啲侍應都好快手咁幫我哋清理好張枱，然後送上蛋糕，仲幫我哋 燃點 嘛支蠟燭， 我心諗，佢哋冇收切餅費，但係個服務 都仲畀人哋收切餅費嘅酒樓好 ，呢個值得一讚。 輪到今晚第三次去食晚飯 ,由於之前訂位係六個人 ，但後來突然多咗兩個朋友嚟食飯， 跟住侍應見到我哋張枱唔夠坐 ，都主動畀一張