1563 At The East Live House and Restaurant (已結業)

今次約左好耐冇見嘅朋友食飯，但諗極都諗唔到喺邊度食好，而上次聽另一位朋友講灣仔有間live House嘅餐廳啲嘢都幾好食，而我地咁啱又係利東街，所以就決定上去食。呢間餐廳幾大，而且有live band表演緊音樂，一邊食飯一邊聽音樂都幾舒服，而呢間餐廳最特別嘅地方係，過咗10點之後可以點自己鍾意嘅歌上台唱歌，或者叫台上嘅司儀唱都可以，但過咗10點就要收最低消費，不過食埋飯都夠。同朋友一齊開開心心過一個weekend都幾正我哋每人叫咗一份set dinner，頭盤可以自己揀，我就揀左一份沙律，一人份量黎講都可以，蟹肉唔算多，而多士粒就好脆，芝士就冇乜味，不過整體黎講唔算差。呢個湯好重蘑菇味，而且好夠熱，而且啲忌廉擠得好靚，好有心思牛扒我怕太老，所以叫左五成熟，佢個side可以揀一個薯菜同一律蔬菜，我就叫左薯蓉同蒜蓉炒雜菌，揀左紅酒汁。個人黎講呢個價錢嘅牛扒都算好好食，而且好有牛味，牛扒唔會太韌同太老，食落口都好juicy，而且有黑椒調味，所以呢個牛扒都叫好好食呢個焦糖燉蛋有一層厚厚既焦糖脆皮，而且燉蛋嘅部份好滑，同焦糖嘅口感好夾，但偏甜，餐甜黎講都算幾有心意。