菩提素食館 (已結業)

今晚同爸媽、老公一起去菩提素食館食團年飯，坐低問侍應攞餐牌看看有什麼食，點知佢話只得套餐Ａ、Ｂ、Ｃ、Ｄ，我地本來諗住「散叫」，可以點自己鍾意嘅餸，唔想食Ｄ限住晒嘅套餐，不過算啦，過時過節就係咁，我們只好叫個四人餐。食物質素一般，不算特別好味，而招呼都係一般，Ｄ侍應叫極都唔會理你。點知食食吓見到隔離枱揸住張「散叫」嘅菜單，有冇攪錯，又話只得套餐！！食到最後上套餐嘅甜品，點知個侍應攞咗碟凍冰冰嘅馬豆糕來，我問侍應有冇熱糖水，佢話冇喎，只得馬豆糕！！點知唔夠兩分鐘，食食吓見到隔離枱上嘅甜品係糖水，我搵番個侍應問，佢話我地嘅四人餐唔同人地個四人餐，我睇晒張餐牌只得一個四人餐，我問佢有咩唔同，佢又唔答！又話剛剛買晒！簡直不知所謂！咁樣做生意都得，奉勸大家唔好幫趁這舖頭！！