Feather & Bone

營業中

休息中

星期六的下午，同女朋友想搵一間寧靜的餐廳，結果搵到呢間幾有特色嘅扒房。呢間餐廳採用落地玻璃，光線充足而開揚，感覺就似係戶外茶座。呢一間餐廳其實係半間超市，售賣唔少黎自英國、澳洲、美國嘅食物。餐廳其中一個特色，係佢提供即買肉即煮服務，客人可以前往凍肉櫃，選取喜歡嘅肉類，之後去收銀處落單，選取喜歡的熟度。今次我地兩個無揀到肉，只係揀左餐牌嘅兩款午餐菜色-Lamb Burger 同Steak Sandwich。兩款熟度我地都要求Medium-Well。首先評一評Steak Sandwich，份量算大份，薯角喺比較薄嘅一種，所以幾脆。至於Sandwich 方面，烘得好脆，所以好香口，配上生洋蔥和熟洋蔥，的確不錯。牛肉方面，廚師一早已幫食客切得很整齊，肉質不錯。之後就是Lamb Burger，羊肉漢堡混合辣醬，所以有一些辣香，可惜喺肉質偏硬，唔夠新鮮，估計叫番凍肉櫃嘅扒質素會較好，而個包放左好濃既芝士，唔錯不過有少少咸。