太興 (已搬遷) 新店位置

今日要到西灣河見客，食晏時份經過見此餐廳見裝修唔錯，於是入去食lunch，食物味道無驚喜，但抽風設備絕對九流！室內樓底算高，原本即使冇分吸煙區，只要抽風系統做得好，煙民吸煙對其他食客應該影晌不大，但呢間太興可以話完全唔掂，只要附近卡位有客吸煙，左右隔離食客等同食二手煙飯，仲要食到應一應，因為抽風設備差，肉眼都可見整團煙停留唔散，恐怖至極！此餐廳唯一可取是冰鎮奶茶，不過味道跟灣仔毋須冰鎮的凍奶茶質素仍相差幾條街。順帶一提，除卻二手煙飯外，印像最深刻是吃飯時要經常趕烏蠅，大大小小都有，好煩！