春夏秋冬火鍋 (已結業)

天熱轉冷最好活動當然係三五知己打邊爐啦，我地一行8人兩日前訂左7點半，去到坐底就被要求轉一張細少少嘅枱，咁我地夠坐當然係無問題啦，到7點45分入單，跟住有個女經紀之類嘅服務員話本地手切牛賣淨兩碟，要叫就快手，吓，得半成入座率都咁快無牛賣，ok！照要，哈哈！8點就話賣淨一條章紅魚原價$580，你地要我平d比你地$430，心諗呢間火鍋店收零晨5點，咁快乜都賣晒點做生意啊，到12點大家都食飽飲醉（入座率8成），埋單$1950，佢居然夠膽開口話【俾多一舊水】貼士，嘩！當堂火都嚟，邊有問口要貼士，仲要指定俾幾錢㗎，係香港做左幾十年人都係第一次🤬