喜亭軒 (已結業)

難得一家人去開飯，阿媽又話要打邊爐，阿爸就要鐵板燒，於是乎搵到一間餐廳，一雞三味嘅食法。餐廳位於旺角市中心，完全係朗豪坊隔離嘅大廈，上到去仲有驚喜，首先裝修已經係好光鮮，仲有雞煲食，真係一次滿足晒三個要求。首先佢嗰度係海量嘅調味料，基本上諗到乜嘢嘅調味都應該有，另外侍應仲送咗一盤海鮮刺身俾我哋添，刺身真係好新鮮，三文魚好肥美，帶子同埋螺肉都非常之鮮甜，非常之有驚喜。第二輪就係食雞煲，雞煲個醬汁非常之嘢味，而且雞肉亦都好新鮮，最緊要雞煲上面係有豬皮，佢吸晒雞煲入邊嘅日月精華，加埋其他配料真係不得了。跟住食到悶悶地，我哋可以點樣小食嚟食，炸雞軟骨一定係膽嚟㗎啦，炸得非常之香脆。仲有中華沙律間間場，一家人傾吓計抖抖先。跟住之後最神奇嘅事就係同一個鐵板，一邊可以打邊爐，一邊燒肉，打邊爐仲可以鴛鴦鍋添。餐廳非常之體貼佢會分返係打邊爐牛定係燒肉嘅牛，無論邊一款牛都好，非常之香肉味，而且打邊爐料同燒肉料都非常之多，仲有海鮮拼盤可以打邊爐，真係咁多款式都食齊，十分滿足，除咗旺角之外，原來筲箕灣都有分店，下次過海都要試一試。