影片
更多
2020-03-07
1636 瀏覽
係門面見到寫住肺炎肆虐，黎個午市衝擊大優惠，只限11:00-12:45入座，惠顧每個餐減五蚊，作為精明既C9 當然不能錯過。午市套餐款式眾多，有烏冬、炒飯不等，吸引好多附近地盤工人👷黎食，因為價錢平均45-51 元不等，仲附送例湯及茶/咖，凍飲🥤加三蚊。燒鵝五寶飯： 包括有燒鵝、油雞、叉燒、紅腸、燻啼。飯熱辣辣，好夠份量，好有鼓油香氣，油雞叉燒燒鵝切得好整齊，油雞配上姜蓉不得了，肥瘦適中，蜜汁叉燒燒得好脆口，邊邊帶點焦香，甜度適中。鵝竟然比左脾既部分比我，受寵若驚，鵝🦢貴過鴨嫁💋鵝脂肪吾算多，皮薄啖啖肉，蘸上甜酸汁，十分開胃。可惜是燻啼略為遜色無味。凍奶茶🥤：茶記主打，茶底濃，奶味香，用上黑白淡奶無得輸。總結：平民茶記 燒味出色價錢實惠 誠意之作
午市套餐款式眾多，有烏冬、炒飯不等，吸引好多附近地盤工人👷黎食，因為價錢平均45-51 元不等，仲附送例湯及茶/咖，凍飲🥤加三蚊。
燒鵝五寶飯： 包括有燒鵝、油雞、叉燒、紅腸、燻啼。飯熱辣辣，好夠份量，好有鼓油香氣，油雞叉燒燒鵝切得好整齊，油雞配上姜蓉不得了，肥瘦適中，蜜汁叉燒燒得好脆口，邊邊帶點焦香，甜度適中。鵝竟然比左脾既部分比我，受寵若驚，鵝🦢貴過鴨嫁💋
鵝脂肪吾算多，皮薄啖啖肉，蘸上甜酸汁，十分開胃。可惜是燻啼略為遜色無味。
凍奶茶🥤：茶記主打，茶底濃，奶味香，用上黑白淡奶無得輸。
總結：
平民茶記 燒味出色
價錢實惠 誠意之作
張貼
