越南人 (已結業)

是日被朋友放飛機，要一條友出來搵食，隨便找一間沒太多人的食肆走入去。睇睇餐牌，沒有套餐，唯有散叫，而價錢也不平，一個主菜加杯飲品閒閒地都五十幾個大洋先可以落樓。咁但係唔入都入左黎，唔通就咁走咩。是但要個好味咖喱牛尾飯，一杯珍多冰。飲品先到，珍多冰一點也不好看，應該是底下的啫哩太少了。快快趣喝一口，感覺有如是溝了水的椰汁，十分難飲。隨後送上的咖喱牛尾飯看似比較似樣，起碼色水對辦。怎料，也是同樣的低水平。咖喱不香又不辣，牛尾沒有味道之餘又太韌，只可用差勁兩個字去形容。返來睇睇Openrice各食友對此店的評語，原來一面倒是喊面。下次試新野之前真係要先參考Openrice，免得再遇類似事件。