影片
更多
2023-01-07
1459 瀏覽
今次去咗銅鑼灣嘅人氣鐵板燒餐廳，餐廳環境以傳統居酒屋設計，一邊係壽司吧，而另一邊係主打鐵板燒，餐廳座位不多，想試就要記得預先預約喇！龍蝦鐵板燒二人前HK$2380前菜前菜係龍蝦福袋，龍蝦肉打成蝦膠，蝦肉爽口彈牙，伴以煨煮得好入味嘅蘿蔔，呢個福袋份外矜貴。沙律青瓜絲、藜麥同合桃，伴以柚子醋，酸酸甜甜幾開胃。汁煮白鱈魚首先將魚皮起出來煎，煎得好像薯片一樣，非常香脆。白鱈魚魚脂豐富，煎香魚肉表面再用洋蔥汁煨煮，魚肉肉質嫩滑，吸收曬洋蔥汁嘅精華。龍蝦配海膽汁澳洲新鮮龍蝦都幾大隻，半隻已經好多龍蝦肉，師傅非常熟手，很快就將龍蝦切件再用牛油香煎，龍蝦肉入口彈牙嫩滑，再配上海膽汁，簡直將鮮味提升到最高境界。一品料理一品料理會因應季節會有所不同，今次係蒜蓉日本鮮花菇，花菇非常厚肉，菇味香濃，用蒜蓉同牛油煨煮過後，十分軟腍入味。日本產A5黑毛和牛A5和牛油脂豐富，分布平均，肉味香濃，和牛中間還是粉紅色，入口軟腍多汁，配以四種不同食法，分別有車厘子紅酒汁、玫瑰鹽、蒜片同燒汁加wasabi ，各種食法各有特色，我就鍾意同蒜片一齊食，蒜片香脆可口，令人不禁一口接一口。炒飯店員説炒飯每次材料都會有所不同，而今次
龍蝦鐵板燒二人前HK$2380
前菜
前菜係龍蝦福袋，龍蝦肉打成蝦膠，蝦肉爽口彈牙，伴以煨煮得好入味嘅蘿蔔，呢個福袋份外矜貴。
沙律
青瓜絲、藜麥同合桃，伴以柚子醋，酸酸甜甜幾開胃。
汁煮白鱈魚
首先將魚皮起出來煎，煎得好像薯片一樣，非常香脆。白鱈魚魚脂豐富，煎香魚肉表面再用洋蔥汁煨煮，魚肉肉質嫩滑，吸收曬洋蔥汁嘅精華。
龍蝦配海膽汁
澳洲新鮮龍蝦都幾大隻，半隻已經好多龍蝦肉，師傅非常熟手，很快就將龍蝦切件再用牛油香煎，龍蝦肉入口彈牙嫩滑，再配上海膽汁，簡直將鮮味提升到最高境界。
一品料理
一品料理會因應季節會有所不同，今次係蒜蓉日本鮮花菇，花菇非常厚肉，菇味香濃，用蒜蓉同牛油煨煮過後，十分軟腍入味。
日本產A5黑毛和牛
A5和牛油脂豐富，分布平均，肉味香濃，和牛中間還是粉紅色，入口軟腍多汁，配以四種不同食法，分別有車厘子紅酒汁、玫瑰鹽、蒜片同燒汁加wasabi ，各種食法各有特色，我就鍾意同蒜片一齊食，蒜片香脆可口，令人不禁一口接一口。
炒飯
店員説炒飯每次材料都會有所不同，而今次係瑤柱炒飯，炒飯用上日本米，配料有洋蔥、紅蘿蔔、蒜蓉、雞蛋及瑤柱絲。炒飯炒得好乾身，粒粒分明，每粒飯都被雞蛋包裹着，充滿了蛋香。
雞湯
雞湯比較清甜，加入了鮮蝦及野菌，可以清清味蕾。
甜品
甜品有雪糕、雪葩同新鮮生果選擇，今日新鮮生果係靜岡蜜瓜，一定要試下。而朋友就要柚子雪葩，酸酸甜甜，柚子味濃郁。
張貼
