影片
更多
2022-08-27
1288 瀏覽
記得疫情前每次去台灣旅行，一定會到訪台式火鍋，尤其係麻辣火鍋，一試難忘，自從牛大人進駐香港後，火鍋迷表示好興奮，唔使去台灣都可以食到正宗台式火鍋😎😎 湯底有十款，每一款都用料十足，各具特色，難怪長期人龍不斷，好厲害👍🌟醍醐番茄酸辣鍋（小辣）番茄加台式酸菜同埋川式香料，酸辣開胃有番茄香，小辣對我來講啱啱好，值得推介👍🌟澳洲極上和牛套餐$298每人贈送2粒澳洲M9和牛牛丸，超高質，係出邊食唔到，牛味香濃，牛肉片全部新鮮有牛味，推介安格斯牛小排，手切封門柳，澳洲M5牛肩卷😍😍 豬肉方面，首選北海道十勝豚，肉質扎實又鮮嫩，有豬肉香味🥰🥰 鍾意食羊肉嘅朋友都唔使失望，紐西蘭羊肉卷肥瘦均勻，肉味夠🫶🏻另外台灣直送食材都唔可以錯過，打邊爐嘅魚槳，牛肉槳，豬肉槳全部新鮮彈牙又鮮甜，必試，鴨血亦超推介，一啲都唔腥，海鮮方面，蝦肉結實，蜆肉鮮甜肥美，仲有好多台式小食都好正，推介台灣香腸，味道偏甜，好正宗😍飲品櫃超多選擇，首選台式冷泡茶，打邊爐至啱，叫咗杯台式啤酒，好特別，有初榨果汁味，易入口，下次來牛大人一定要叫包冇失望😍食到咁上下已經好飽，但都要食埋台式甜品先叫完美，呢碗有齊仙草，珍珠，蒟蒻粒，紅豆，花
🌟醍醐番茄酸辣鍋（小辣）
番茄加台式酸菜同埋川式香料，酸辣開胃有番茄香，小辣對我來講啱啱好，值得推介👍
🌟澳洲極上和牛套餐$298
每人贈送2粒澳洲M9和牛牛丸，超高質，係出邊食唔到，牛味香濃，牛肉片全部新鮮有牛味，推介安格斯牛小排，手切封門柳，澳洲M5牛肩卷😍😍
豬肉方面，首選北海道十勝豚，肉質扎實又鮮嫩，有豬肉香味🥰🥰 鍾意食羊肉嘅朋友都唔使失望，紐西蘭羊肉卷肥瘦均勻，肉味夠🫶🏻
另外台灣直送食材都唔可以錯過，打邊爐嘅魚槳，牛肉槳，豬肉槳全部新鮮彈牙又鮮甜，必試，鴨血亦超推介，一啲都唔腥，海鮮方面，蝦肉結實，蜆肉鮮甜肥美，仲有好多台式小食都好正，推介台灣香腸，味道偏甜，好正宗😍
飲品櫃超多選擇，首選台式冷泡茶，打邊爐至啱，叫咗杯台式啤酒，好特別，有初榨果汁味，易入口，下次來牛大人一定要叫包冇失望😍
食到咁上下已經好飽，但都要食埋台式甜品先叫完美，呢碗有齊仙草，珍珠，蒟蒻粒，紅豆，花生粒嘅正宗台灣甜品，好香甜美味，就算幾飽都可以秒清😂
張貼
